Wayang Suket Khas Purbalingga Gaweanae Pak Badriyanto

Wayang Suket Sekang Suket Kasuran

Badriyanto kue siji-sijine wong Purbalingga sing duwe ketrampilan bisa gawe wayang suket. Budriyanto asale sekang Dukuh Kemangunan Desa Wlahar Kecamatan Rembang Kabupaten Purbalingga, profesi sedina-dinane dadi tukang batu. Deweke bisa gawe wayang suket awit remaja diwaraih neng eyange angger lagi angon wedhus, eyange jenenge Kasan Wikrama sing akrab diceluk Mbah Gepluk. Pas jaman remaja ganu Badri diwaraih gawe wayang suket mung seminggu, bar kuwe latihan gawe dewek.

Jane wayang suket bentuk karo ukurane meh padha karo wayang kulit. Wayang kiye digawe sekang anyaman suket sing biasane nggo panganan jaran, wong kono padha ngajari suket kuwe suket kasuran. Suket kasuran mung tukul setaun sepisan neng daerah Purbalingga yakuwe wektu wulan sura tok. Sebenere bisa juga gawe wayang suket karo suket liyane tapi mengko hasile ora apik lan ora tahan suwe. Awale mbah Gepluk iseng-iseng nganyam suket didadekake tokoh-tokoh wayang pas lagi angon wedhuse, tapi ketrampilan kuwe dikembangna lan wis akeh koleksi wayang suket hasil karyane sing ndadekake deweke terkenal lan akeh wong sing padha pesen. Mbah Gepluk nurunake keahliane maring putune yakuwe si Badri. Ora kur maraih gawe wayang sekang suket, mbah Gepluk juga ngenalna tokoh-tokoh wayang lan nyritakna dunia pewayangan kanthi semangat. Taun 1990 mbah Gepluk terkenal sebagai tukang gawe wayang suket. Mbah Gepluk juga pernah pameran wayang suket pas taun 1995 neng Yogyakarta.

Cara gawe wayang suket Badri nyiapake bahan baku yakuwe suket kasuran, sedurunge dianyam suket kudu dikum banyu disit kon layu, banjur suketb sing bar dikum banyu mau digebug-gebug supaya pipih lan layu. Sawise layu suket tembe bisa dianyam kanggo gawe tokoh wayang. Awale angger nganyam esih ndeleng contoh wayang neng gambar, tapi siki wis ora ngandelake gambar maning soale wis apal gambar tokoh-tokoh wayang neng uteke. Butuh konsentrasi sing temenanan kanggo nganyam suket supaya dadi bentuk wayang. Proses gawene wayang antarane telu gutul seminggu kanggo gawe wayang siji. Angger wayang sing sederhana bisa telung dina dadi. Badri gawe wayang manut karo pesenane wong-wong. Saben sewayang diregani antara 200-500ewu tergantung cilik lan gedhene pesenan wayang sing digawe. Lan juga tergantung karo rumit orane cara gawene.

Naming kuwe tok sing bisa tek jelasna babagan wayang suket, angger pengin weruh wayang suket sing asli teka bae maring Purbalingga, maring "Museum Wayang dan Artefak utawa Sanggaluri Park".